ໃນລະຫວ່າງວັນທີ 05-06 ພຶດສະພາ 2026, ຄະນະຜູ້ແທນ ຈາກສໍານັກງານປົກປ້ອງເງິນຝາກ (ສປງ) ໄດ້ເຂົ້າຮ່ວມກອງປະຊຸມປະຈໍາປີຂອງຄະນະກໍາມະການພາກພື້ນອາຊີ-ປາຊີຟິກ ຂອງສະມາຄົມປະກັນໄພເງິນຝາກສາກົນ (IADI APRC) ຄັ້ງທີ 24 ແລະ ກອງປະຊຸມສາກົນ (APRC 2026) ທີ່ ນະຄອນຫຼວງ ກົວລາລໍໍາເປີ, ປະເທດ ມາເລເຊຍ. ກອງປະຊຸມຄັ້ງນີ້ ຈັດຂຶ້ນໂດຍການເປັນເຈົ້າພາບຂອງ ປະກັນໄພເງິນຝາກມາເລເຊຍ (PIDM) ຊຶ່ງມີຜູ້ເຂົ້າຮ່ວມຈາກອົງການປົກປ້ອງເງິນຝາກ ແລະ ອົງການແກ້ໄຂບັນຫາສະຖາບັນການເງິນ ຫຼາຍກວ່າ 20 ປະເທດໃນທົ່ວພາກພື້ນອາຊີ-ປາຊີຟິກ.             ໃນກອງປະຊຸມໄດ້ສຸມໃສ່ການແລກປ່ຽນທັດສະນະກ່ຽວກັບການເສີມສ້າງຄວາມພ້ອມໃນການຮັບມືກັບວິກິດການ, ຄວາມພ້ອມດ້ານການປະຕິບັດງານ ແລະ ການສ້າງຄວາມເຊື່ອໝັ້ນໃຫ້ແກ່ຜູ້ຝາກເງິນ ໃນສະພາວະທາງການເງິນໂລກທີ່ມີຄວາມຫຍຸ້ງຍາກ ແລະ ບໍ່ໝັ້ນຄົງ. ທ່ານ ຣາຟີສ ອາຊວນ ອັບດຸນລາ (Rafiz Azua Abdullah) ຜູ້ບໍລິຫານສູງສຸດຂອງ ປະກັນໄພເງິນຝາກມາເລເຊຍ...ອ່ານເພີ່ມເຕີມ - ສໍານັກງານປົກປ້ອງເງິນຝາກ ເຂົ້າຮ່ວມກອງປະຊຸມປະຈໍາປີ IADI APRC ຄັ້ງທີ 24 ທີ່ ປະເທດມາເລເຊຍ.

ໃນຕອນເຊົ້າຂອງວັນທີ 29 ເມສາ 2026, ທີ່ ສະຖາບັນການເງິນຈຸລະພາກທີ່ຮັບເງິນຝາກ ເພື່ອພັດທະນາເເມ່ຍິງ ແລະ ຄອບຄົວ (WFDF) ໄດ້ຈັດພິທີມອບ-ຮັບໃບຢັ້ງຢືນການເປັນສະມາຊິກຂອງສໍານັກງານປົກປ້ອງເງິນຝາກ (ສປງ) ຢ່າງເປັນທາງການ. ພິທີດັ່ງກ່າວໃຫ້ກຽດເປັນປະທານ ແລະ ມອບໃບຢັ້ງຢືນໂດຍ ທ່ານ ວົງພະຈັນ ແສງສຸວັນ ຫົວໜ້າສຳນັກງານປົກປ້ອງເງິນຝາກ ໂດຍມີການເຂົ້າຮ່ວມຂອງ ທ່ານ ວິສອນ ໄຊສົງຄາມ ຫົວໜ້າກົມຄຸ້ມຄອງສະຖາບັນການເງິນທີ່ບໍ່ແມ່ນທະນາຄານ ທະນາຄານແຫ່ງ ສປປ ລາວ (ທຫລ), ສະມາຄົມການເງິນຈຸລະພາກລາວ ພ້ອມດ້ວຍພາກສ່ວນທີ່ກ່ຽວຂ້ອງ. ການເຂົ້າເປັນສະມາຊິກ ສປງ ຂອງ ສກຈຮ ເພື່ອພັດທະນາເເມ່ຍິງ ແລະ ຄອບຄົວ ໃນຄັ້ງນີ້ ຖືເປັນບາດກ້າວສໍາຄັນໃນການສ້າງຄວາມເຂັ້ມແຂງໃນວຽກງານປົກປ້ອງເງິນຝາກ ຊຶ່ງຈຸດປະສົງຫຼັກກໍເພື່ອສ້າງ ຄວາມເຊື່ອໝັ້ນ ໃຫ້ແກ່ສັງຄົມ ກໍຄື ຜູ້ຝາກເງິນ ໂດຍມີເປົ້າໝາຍສໍາຄັນໃນການປົກປ້ອງສິດຜົນປະໂຫຍດ ອັນຊອບທໍາຂອງຜູ້ຝາກເງິນ ທີ່ໄດ້ຝາກເງິນໄວ້ກັບ ສກຈຮ ດັ່ງກ່າວ...ອ່ານເພີ່ມເຕີມ - ສຳນັກງານປົກປ້ອງເງິນຝາກ ມອບໃບຢັ້ງຢືນການເປັນສະມາຊິກໃໝ່ໃຫ້ແກ່ ສະຖາບັນການເງິນຈຸລະພາກທີ່ຮັບເງິນຝາກ ເພື່ອພັດທະນາແມ່ຍິງ ແລະ ຄອບຄົວ