LA 
EN 
ເມືອງຈັນທະບູລີ ເຊື່ອມຊຶມດໍາລັດວ່າດ້ວຍການປົກປ້ອງເງິນຝາກ
19/10/2020ສໍານັກງານປົກປ້ອງເງິນຝາກ (ສປງ) ສືບຕໍ່ເດີນໜ້າໃນການເຜີຍແຜ່ວຽກງານປົກປ້ອງເງິນຝາກ ໃຫ້ແກ່ສັງຄົມ ເຊິ່ງຄັ້ງນີ້ໄດ້ລົງເຜີຍແຜ່ ດໍາລັດວ່າດ້ວຍການປົກປ້ອງເງິນຝາກ ໃຫ້ແກ່ບັນດາອົງການຈັດຕັ້ງລັດ ແລະ ບັນດາບ້ານອ້ອມຂ້າງ ເມືອງຈັນທະບູລີ ນະຄອນຫຼວງວຽງຈັນ ໃນຕອນເຊົ້າຂອງ ວັນທີ 14 ຕຸລາ 2020 ທີ່ຫ້ອງປະຊຸມເມືອງດັ່ງກ່າວ ພາຍໃຕ້ການເປັນປະທານຮ່ວມຂອງ ທ່ານ ບຸນໜາ ຜາທຸມມະວົງ ກໍາມະການພັກ ນະຄອນຫຼວງວຽງຈັນ, ເລຂາພັກເມືອງ, ເຈົ້າເມືອງ ເມືອງຈັນທະບູລີ ແລະ ທ່ານ ນ. ແສງດາວວີ ວົງຄໍາຊາວ ກໍາມະການພັກ ທະນາຄານແຫ່ງ ສປປ ລາວ, ຫົວໜ້າສໍານັກງານປົກປ້ອງເງິນຝາກ (ສປງ). ພ້ອມນີ້ ກໍມີຄະນະນໍາຂອງເມືອງ, ບັນດາຂະແໜງການ-ໜ່ວຍງານ, ບັນດາບ້ານອ້ອມຂ້າງ ເມືອງຈັນທະບູລີ ພ້ອມດ້ວຍວິຊາການທີ່ກ່ຽວຂ້ອງເຂົ້າຮ່ວມ. ການເຜີຍແຜ່ດໍາລັດວ່າດ້ວຍການປົກປ້ອງເງິນຝາກ ໃນຄັ້ງນີ້ ເປັນການຈັດຕັ້ງຜັນຂະຫຍາຍແຜນການວຽກງານຈຸດສຸມຂອງ ສປງ ປະຈໍາປີ 2020 ແລະ...ອ່ານເພີ່ມເຕີມ - ເມືອງຈັນທະບູລີ ເຊື່ອມຊຶມດໍາລັດວ່າດ້ວຍການປົກປ້ອງເງິນຝາກ
ພິທີມອບ-ຮັບໃບຢັ້ງຢືນການເປັນສະມາຊິກຄືນໃໝ່ ເນື່ອງໃນໂອກາດ ຄົບຮອບວັນສ້າງຕັ້ງ ສປງ 21 ປີ
26/09/2020ເນື່ອງໃນໂອກາດວັນສ້າງຕັ້ງ ສໍານັກງານປົກປ້ອງເງິນຝາກ (ສປງ) ຄົບຮອບ 21 ປີ (ວັນທີ 23 ກັນຍາ 1999-ວັນທີ 23 ກັນຍາ 2020) ສປງ ໄດ້ຈັດຕັ້ງພິທີມອບ-ຮັບໃບຢັ້ງຢືນການເປັນສະມາຊິກຄືນໃໝ່ ໃຫ້ບັນດາທະນາຄານທຸລະກິດທີ່ເປັນສະມາຊິກ ພ້ອມທັງຜ່ານບົດສະຫຼຸບການເຄື່ອນໄຫວວຽກງານ 9 ເດືອນຂອງ ປີ 2020 ຊຶ່ງຈັດຂຶ້ນໃນວັນທີ 25 ກັນຍາ 2020 ຢູ່ທີ່ສະຖາບັນການທະນາຄານ ທະນາຄານແຫ່ງ ສປປ ລາວ (ທຫລ) ໂດຍການໃຫ້ກຽດເຂົ້າຮ່ວມຂອງທ່ານ ພຸດທະໄຊ ສີວິໄລ ກໍາມະການປະຈໍາພັກ ຮອງຜູ້ວ່າການ ທຫລ ປະທານສະພາບໍລິຫານ ສປງ; ທ່ານນາງ ແສງດາວວີ ວົງຄໍາຊາວ ກໍາມະການພັກ ທຫລ ຫົວໜ້າ ສປງ ແລະ ມີຄະນະກໍາມະການສະພາບໍລິຫານ, ຄະນະ ສປງ, ຄະນະກົມພາຍໃນ ...ອ່ານເພີ່ມເຕີມ - ພິທີມອບ-ຮັບໃບຢັ້ງຢືນການເປັນສະມາຊິກຄືນໃໝ່ ເນື່ອງໃນໂອກາດ ຄົບຮອບວັນສ້າງຕັ້ງ ສປງ 21 ປີ
ເມືອງໄຊເສດຖາ ເຊື່ອມຊຶມດໍາລັດປົກປ້ອງເງິນຝາກ
25/09/2020ກອງປະຊຸມເຜີຍແຜ່ດໍາລັດວ່າດ້ວຍການປົກປ້ອງເງິນຝາກໃຫ້ແກ່ບັນດາອົງການຈັດຕັ້ງພັກ-ລັດ ແລະ ບັນດາບ້ານອ້ອມຂ້າງເມືອງໄຊເສດຖາ ນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 22 ກັນຍາ 2020 ທີ່ສະໂມສອນເມືອງດັ່ງກ່າວ ພາຍໃຕ້ການເປັນປະທານຮ່ວມຂອງທ່ານ ຄໍາສະຫວັນ ໂຄດໄຊ ຮອງເຈົ້າເມືອງໄຊເສດຖາ ແລະ ທ່ານນາງ ແສງດາວວີ ວົງຄໍາຊາວ ຫົວໜ້າສໍານັກງານປົກປ້ອງເງິນຝາກ (ສປງ) ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ. ກອງປະຊຸມເຜີຍແຜ່ໃນຄັ້ງນີ້, ທ່ານ ນາງ ດາວມະນີວອນ ວິໄລວຽງ ຮອງຫົວໜ້າ ສປງ ໄດ້ຍົກໃຫ້ເຫັນ ຄວາມເປັນມາຂອງ ສປງ (ກອງທຶນປົກປ້ອງຜູ້ຝາກເງິນໃນເມື່ອກ່ອນ) ໄດ້ສ້າງຕັ້ງຂຶ້ນໃນວັນທີ 23 ກັນຍາ 1999 ເປັນການຈັດຕັ້ງການເງິນຂອງລັດ, ມີຖານະທຽບເທົ່າກົມ, ເປັນນິຕິບຸກຄົນທີ່ເຄື່ອນໄຫວໂດຍບໍ່ສະແຫວງຫາຜົນກໍາໄລ, ມີຄວາມເປັນເອກະລາດທາງດ້ານການເງິນ ແລະ ຢູ່ພາຍໃຕ້ການຄຸ້ມຄອງຂອງທະນາຄານແຫ່ງ ສປປ ລາວ (ທຫລ) ຊຶ່ງມີພາລະບົດບາດເປັນເສນາທິການໃຫ້ແກ່ສະພາບໍລິຫານ ສປງ ແລະ ທຫລ ໃນການປົກປ້ອງສິດຜົນປະໂຫຍດອັນຊອບທໍາຂອງຜູ້ຝາກເງິນ ເປັນສ່ວນໜຶ່ງທີ່ມີຄວາມສໍາຄັນ...ອ່ານເພີ່ມເຕີມ - ເມືອງໄຊເສດຖາ ເຊື່ອມຊຶມດໍາລັດປົກປ້ອງເງິນຝາກ
ບັນດາທະນາຄານທຸລະກິດ ຢູ່ ສປປ ລາວ ເຊື່ອມຊຶມບັນດານິຕິກຳກ່ຽວກັບວຽກງານປົກປ້ອງເງິນຝາກ
22/09/2020ໃນຕອນບ່າຍວັນທີ 17 ກັນຍາ 2020, ໄດ້ຈັດພິທີເຜີຍແຜ່ບັນດານິຕິກໍາທີ່ຕິດພັນກັບວຽກງານປົກປ້ອງເງິນຝາກ ໃຫ້ແກ່ບັນດາທະນາຄານທຸລະກິດ ທີ່ເປັນສະມາຊິກ ພາຍໃຕ້ການເປັນປະທານຂອງທ່ານ ນ ແສງດາວວີ ວົງຄຳຊາວ ຫົວໜ້າສຳນັກງານປົກປ້ອງເງິນຝາກ. ເຂົ້າຮ່ວມໃນພິທີໃນຄັ້ງນີ້ ມີຄະນະສຳນັກງານປົກປ້ອງເງິນຝາກ, ຄະນະພະແນກ ແລະ ພະນັກງານ ສຳນັກງານປົກປ້ອງເງິນຝາກ, ຄະນະອຳນວຍການ ແລະ ຕາງໜ້າທະນາຄານທຸລະກິດ ຈຳນວນ 40 ກ່ວາທະນາຄານ ຊຶ່ງລວມມີທັງໝົດ 100 ກ່ວາທ່ານເຂົ້າຮ່ວມໃນງານຄັ້ງນີ້. ກອງປະຊຸມເຜີຍແຜ່ໃນຄັ້ງນີ້ ມີຄວາມສໍາຄັນຫລາຍສໍາລັບ ສປງ ກໍ່ຄື ຜູ້ອອກລະບຽບຄຸ້ມຄອງ ແລະ ສໍາລັບສະມາຊິກ ກໍ່ຄືຜູ້ຈັດຕັ້ງປະຕິບັດ ເພື່ອຮັບປະກັນວ່າການປະກາດນໍາໃຊ້ບັນດານິຕິກໍາຕ່າງໆມີຄວາມສັກສິດ ແລະ ສອດຄ່ອງກັບສະພາບຄວາມເປັນຈິງໃນແຕ່ລະໄລຍະ, ເຊິ່ງນິຕິກໍາທີ່ເຜີຍແຜ່ຄັ້ງນີ້ ປະກອບມີ 2 ຂໍ້ຕົກລົງຄື: 1). ຂໍ້ຕົກລົງວ່າດ້ວຍອັດຕາເບ້ຍປະກັນເງິນຝາກ ເລກທີ 1196/ທຫລ ລົງວັນທີ 31 ທັນວາ 2019,...ອ່ານເພີ່ມເຕີມ - ບັນດາທະນາຄານທຸລະກິດ ຢູ່ ສປປ ລາວ ເຊື່ອມຊຶມບັນດານິຕິກຳກ່ຽວກັບວຽກງານປົກປ້ອງເງິນຝາກ
ສຳນັກງານປົກປ້ອງເງິນຝາກ ມອບເງິນຊ່ວຍເຫຼືອເພື່ອຕ້ານໂຄວິດ-19
08/05/2020ໃນໄລຍະຜ່ານມານີ້ ທີ່ສຳນັກງານນາຍົກລັດຖະມົນຕີ, ທ່ານ ຄຳໄຊ ພົມມະວີ ຮອງຫົວໜ້າ ສຳນັກງານປົກປ້ອງເງິນຝາກ ພ້ອມດ້ວຍຄະນະ ຈຳນວນ 4 ທ່ານ ໄດ້ ຕາງໜ້າສຳນັກງານປົກປ້ອງເງິນຝາກ ມອບເງິນຊ່ວຍເຫຼືອ ຈຳນວນ 50.000.000 ກີບ ໃຫ້ແກ່ລັດຖະບານເພື່ອຮັບໃຊ້ເຂົ້າໃນວຽກງານຕ້ານ ໂຄວິດ-19 ຊຶ່ງມີຕາງໜ້າຈາກລັດຖະບານເປັນຜູ້ຮັບແມ່ນ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງ ການເງິນ ຫົວໜ້າສະເພາະກິດ ປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19. ໃນໂອກາດນີ້ ທ່ານ ສົມດີ ດວງດີ ໄດ້ສະແດງຄວາມຂອບໃຈຕໍ່ບັນດາບໍລິສັດດັ່ງກ່າວ ທີ່ເຫັນຄວາມສຳ ຄັນ ແລະ ສະໜັບສະໜູນ ລັດຖະບານລາວ ໃນການຕ້ານ ການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ພ້ອມທັງຢືນຢັນວ່າ ຈະນຳເງິນຈຳນວນດັ່ງກ່າວ ໄປນຳໃຊ້...ອ່ານເພີ່ມເຕີມ - ສຳນັກງານປົກປ້ອງເງິນຝາກ ມອບເງິນຊ່ວຍເຫຼືອເພື່ອຕ້ານໂຄວິດ-19